طرب الكلام

طرب الكلام

نصر السودان

لقد حققت قوات الشعب المسلحة وقوات الشرطة الموحدة وقوات الاحتياطي المركزي وقوات الدفاع الشعبي

نصراً جديداً للامة السودانية عندما أنتصر علي المرتزقة والخونة الذين باعوا أنفسهم للصهيونية بثمن بخيس

عندما فكروا هؤلاء المرتزقة غزو أمدرمان تلك المدينة التي وقفت صامدة أمام الاتراك والإنجليز وهي معقل

الأنصار ويعلم قائد حركة العدل والمساواة معنى هذه الكلمة ويعرف أيضاً بسالة جيش السودان وقوته وأقول له

لايقرك سلاحك ولا مساندة تشاد لك فأنت تعلم من الذي صنع تشاد ومن الذي صنع إدريس دبي وإذا نسيت

فأظهر لنا ثانية حتى نعلمك نحن المواطنين وليس الجيش فأنت جعلتها حرباً عامة تستهدف المواطن السودان والله

نقولها لك نحن المواطنين غير حكم البشير ما عايزين حكم والبرفض الحكم بنحكم زندية وما تفكر يوم من الأيام

انك حتمسك حكم السودان لأننا لا نرضي غير البشير يكفي أنه ابن السودان ويكفي أنه الرجل الوحيد الذي جعل للسودان

كلمة في وسط الدول والوحيد الذي جعل اقتصاد هذا البلد عالياً بعد أن كان السودان يعتمد علي فتافيت الدول الغنية

ولا تنسى إنه الرجل الذي أطلق شعار نأكل مما نزرع ونلبس مما نصنع ولا تنسى إنه الرجل الذي قدم اخيه شهيداً لهذا الوطن

وقدم رفيق دربه أيضاً شهيداً لهذا الوطن ، فهذا قليل من كثير فحدثنا أنت ماذا فعلت قتل وتجنيد الأطفال الأبرياء أم قتلك لأخيك

السوداني أم قتلك لأهلك في دارفور أم بيع نفسك للصهيونية أم ..... الخ ، والله يا خليل إن رضت الحكومة علي أن تجلس معك

في طاولة حوار لا نرضى أبداً فحدينا معك نحن الشعب سوف يكون في الميدان وعيزنها معاك بندقية عديل ونشوفك حتسوي شنو

ونحن عايزين نأكل حي عديل ......

أبو ميثاق

اقيف يا عمليل أسمع التقرير
أبدأ ليك من وين
من أبطال الجهاز ولا من قوات الدفاع
ولا ناس المدرعات وقوات الشرطة والإحتياط

والله ديل رجال عديل
في حماية الوطن ما بندسو من عميل
وفي أم درمان أدوك درس عديل
وخلو كلابك تجري من الويل

وكان لسلاحك شالوهو عديل
وقالوا والله دي أحلي هدية
وحالفين أكان ظهرت ياكلوك عديل

والظاهر عليك يا خليل نسيت ؟
نسيت أمدرمان
نسيت أبطالها من زمن المهدي
والخليفه عبد الله ...
ونسيت الطابية
ونسيت مقتل غردون
دي بلد الأنصار وكل السودان
تلقى فيها ناس الغرب وناس الشرق
وناس الجنوب والشمالية كمان
ده ما تاريخ عارفو زمان
وهاك هسي
تلقى ناس الكلية الحربية عرين الأبطال
وناس القاعدة الجوية
والشرطة العسكرية
للعدو جاهزين ولا ما بهينو ولا بلينو
وتجلي لجوه حبة مع الكبري تلقي
ناس السلاح الطبي العالجوا جريح
وجنبهم ناس المهندسين البهندسوا الغشيم
وناس الموسيقى البعزفوا الحان الدوشكا
والإثنين وأربعين

وكان مشيت حبة لقدام تلقى كلية
القادة والأركان
وفي الكبري والله ما قطعوا عميل
تلقى ناس أبطيره اللرد جاهزين
عرباتك خلوها ذي العجين
وكان لكلابك خلوها تقول واي عديل
والله ما بخافوا لو جاتم اسرائيل

وأقيف يا عميل النقوليك
اسمع كلام نسوانا القالو فيك
قالن حقو نخلي لبسان التوب لخليل
وحلفن كان لقنك
إلا ادقو ليك الدلوكة وارقصنك
لانك ما خليت حاجة التوب ولبستو
والكريم ومسحتو ومعاهم كمان استكرتو

ولسه الكلام كتير والتقيل جاي وراء
الجاي ده كلام رجال عديل
اسمع كلام مهندسنا ود عبد الله
قال ليك أمدرمان دي مقبرة الغزاة
وانت عارف ود عبد الله ده كلاموا بنفزو
وحتى لوكان في اسرائل.

والفريق سلفاكير قاليك
خلي طرب المواطنين
وكان قعدت قلت سلام
كنت لقيتنا جاهزين

وأسمع الكلام ده
ده من ود دار جعل
زولاً ما بعرف الخوف
قاليك قول لدبي
الرسالة وصلت
والرد بجيك في انجمينا عديل
والحصل في أم درمان كان العنوان
عرفتوا لا اوضح ليك
ده السوداني الأصيل
الما بعرف الميل
عرفتو ده ما ود البشير